CONSIGLIO REGIONALE DELLA SARDEGNA
XII legislatura

Le congratulazioni del presidente del Consiglio al neo sindaco di Lula

Cagliari, 31 maggio 2002 - Il presidente del Consiglio regionale, Efisio Serrenti, ha inviato un caloroso messaggio di congratulazioni al neo-sindaco di Lula, Maddalena Calia

Cagliari, 31 maggio 2002

Sa sìndicu istimada,

mancari in coro apa disizadu - e a forte - chi sos luvulesos esserent andados a botare a Bois e a sos candidados a su cussizu comunale, apo catzadu sa tentazione de mi ponner in mesu de su caminu traballosu e intritzidu chi aiazis pigadu.

Tropu mannu est su respetu chi tenzo pro sa zente luvulesa pro pessare chi esseret tentu bisonzu de àteros puntorjos dae foras pro la cumbincher a leare unu pessu. S'ànimu chi Bois e sos de sa lista Bostra azis tentu, a mie mi paret, non est de aer postu fronte a sa zente bostra si non de aer resistiu a s'inzùria de sas analisis a su santarrànzati, de sas allegas fraigadas, de sos istereòtipos.

Totu cosas chi punnaiant a pintare Lùvula comente unu logus francu de barbaridade in sa democratzia sarda, innorande chi in custos deghe annos sos luvulesos ant leadu parte in sas votatziones pro sa Provìntzia de Nùgoro, pro su Cussizu rezionale sardu, pro su Parlamentu de sa Repùblica, pro cussu Europeu, mustrande cantu sunt presos a sos ideales de sa democrazia.

O de gosi o de gasi, s'assediu est agabadu e Lùvula est a puntu de essere dae sa galleria de sos monstres a uve nche l'aiant posta. Est tempus, como, de mustrare chi sas istitutziones e su sistema autonòmicu sardu est a costazos de sos luvulesos e chi sunt a grabu de ponner fronte a sos problemas de sas biddas e de sa zente issoro.

No est unu caminu sena tropeas su chi azis imbucadu. E però in custu caminu azis a agatare semper a costazos Bostros a mie e a totu su Cussizu rezionale de Sardinna.

Bonu traballu, sìndicu e cussizeris istimados, bene agurande chi torret in presse s'unidade de sa zente luvulesa gai comente Maddalena Calia disizat e est pretzisu pro sa prosperidade de sa bidda.

                                                                                    Efisio Serrenti

Cara Sindaco,

benchè abbia fortemente desiderato che i lulesi andassero a votare Lei e i candidati consiglieri, ho resistito alla tentazione di intromettermi nel difficile e complesso cammino che avevate intrapreso.

E' troppo profondo il rispetto che nutro per la popolazione lulese per pensare che ci fosse bisogno di ulteriori stimoli esterni per convincerla a maturare una decisione.

Il coraggio che Lei e la Sua lista avete dimostrato, a me sembra, non è di aver sfidato la vostra gente, ma di aver resistito di fronte all'ingiuria delle analisi frettolose, dei luoghi comuni, degli stereotipi. Cose tutte che tendevano a dipingere Lula come una zona franca di barbarie all'interno della democrazia sarda, sottacendo che in questi dieci anni i lulesi hanno più volte partecipato al voto per la Provincia di Nuoro, per il Consiglio Regionale Sardo, per il Parlamento della Repubblica e per quello europeo, mostrando attaccamento alla democrazia.

Finalmente l'assedio è finito e Lula sta uscendo dalla galleria delle mostruosità in cui era stata posta. E' tempo ora di dimostrare che le istituzioni e il sistema autonomista sardo è a fianco dei lulesi e che davvero sono in grado di affrontare i problemi dei paesi e delle popolazioni.

Non è un cammino facile quello che avete intrapreso, ma vorrei assicurarLe che mi troverete sempre al vostro fianco e insieme a me tutto il Consiglio Regionale.

Buon lavoro, cari Sindaco e Consiglieri comunali, e un caloroso augurio che si componga presto l'unità dei lulesi così come Maddalena Calia desidera ed è necessario per la prosperità del paese.

                                                                                              Efisio Serrenti